ზუგდიდის მუნიციპალიტეტის სოფელ ზედაეწერში სპორტკომპლექსი მოეწყობა

ზუგდიდის მუნიციპალიტეტის სოფელ ზედაეწერში სპორტული კომპლექსი მოეწყობა. კომპლექსი მოემსახურება და უმასპინძლებს როგორც, ადგილობრივ, ასევე სხვა მუნიციპალიტეტებიდან ჩამოსულ სპორტსმენებს. აღნიშნული ობიექტის ფუნქციონირება ხელს შეუწყობს, ზუგდიდის მუნიციპალიტეტში ახალგაზრდებში ჯანსაღი ცხოვრების წესის დანერგვას და გამოავლენს სპორტული შესაძლებლობის მქონე ახალგაზრდებს.

კომპლექსში განთავსებული იქნება:

✔ ფეხბურთის ორი ღია და ერთი დახურული მოედანი.
✔ საცურაო აუზი.
✔ კალათბურთის დარბაზი.
✔ ფიტნეს დარბაზი.
✔ კრივის დარბაზი.
✔ ბილიარდის დარბაზი.
✔ საკონფერენციო დარბაზი.
✔ საცეკვაო დარბაზი.
✔ ბავშვთა გასართობი ცენტრი.
✔ სამედიცინო პუნქტი.
✔ კვების ობიექტი.
✔ სველი წერტილი (საშხაპე, საპირფარეშო).
✔ სასტუმრო, როგორც სპორტსმენებისათვის, ასვევე სტუმრებისათვის.

დღეს, ზუგდიდის მუნიციპალიტეტის გამგებელმა ედიშერ თოლორაიამ და შესაბამისმა სამსახურებმა სოფელ ზედაეწერში, იმ ყოფილი სპორტკომპლექსის შენობა დაათვალიერეს, რომლის სრული რესტავრაციაც იგეგმება.