სახელმწიფო რწმუნებულის ადმინისტრაციაში გამართულ შეხვედრაზე რეგიონში მიმდინარე ინფრასტრუქტურული პროექტები განიხილეს.

 

დღევანდელ შეხვედრაზე ყურადღება გამახვილდა გაზიფიცირების დაქსელვით სამუშაოებზე, მუნიციპალიტეტებში ელექტროენერგიის ქსელის მიმართულებით არსებულ საჭიროებებზე. დავით ვერავას განცხადებით, ამავე ფორმატში ჩატარდება შეხვედრები ელექტროენერგიის და გაზმომარაგებაზე პასუხისმგებელ კომპანიებთან რათა საჭიროებებზე რეაგირება დროულად და კოორდინირებულად მოხდეს. სახელმწიფო რწმუნებულისვე განცხადებით, მუდმივ რეჟიმში უნდა მოხდეს ცენტრალური გზების მიმდებარე ტერიტორიების მოწესრიგება.

 

შეხვედრაზე მერებმა მუნიციპალიტეტებში არსებულ გამოწვევებსა და საჭიროებებზე ისაუბრეს.

 

შეხვედრას ასევე ესწრებოდნენ სახელმწიფო რწმუნებულის მოადგილეები და რწმუნებულის ადმინისტრაციის სამსახურების უფროსები. ამ შემადგენლობით მსგავსი ტიპის შეხვედრები ყოველკვირეულად იმართება.