ახალი ამბები
ქალაქ ფოთში დაგეგმილია 9 აპრილის ხეივნის რეაბილიტაცია
2026-02-20 13:00:00
ინფრასტრუქტურის მინისტრი რევაზ სოხაძე, სამინისტროს საქვეუწყებო დაწესებულებების ხელმძღვანელებთან და სამეგრელო-ზემო სვანეთის სახელმწიფო რწმუნებულთან დავით ვერავასთან ერთად სამეგრელოს რეგიონში სხვადასხვა პროექტზე დასრულებულ და მიმდინარე სამშენებლო-სარეაბილიტაციო სამუშაოებს ეცნობა.
ქალაქ ფოთში დაგეგმილია 9 აპრილის ხეივნის რეაბილიტაცია. პროექტი ითვალისწინებს ხეივნის სრულ განახლებას და თანამედროვე, ფუნქციურად გამართული რეკრეაციული სივრცის ჩამოყალიბებას.
პროექტის ფარგლებში განახლდება რეკრეაციული ნაწილი, მოეწყობა ხემცენარეების მოვლისთვის აუცილებელი საინჟინრო ინფრასტრუქტურა, ასევე შეიქმნება ადაპტირებული და კომფორტული დასასვენებელი სივრცეები სხვადასხვა ასაკობრივი ჯგუფისთვის.
რეაბილიტაცია მიზნად ისახავს ქალაქში ეკოლოგიურად გამართული და მოქალაქეზე ორიენტირებული გარემოს შექმნას, რაც მნიშვნელოვნად გააუმჯობესებს ურბანული სივრცის ხარისხს და ადგილობრივი მოსახლეობის ყოველდღიურობას.
დაგეგმილი პროექტის დეტალები მინისტრმა სამეგრელოს მხარეში სახელმწიფო რწმუნებულ დავით ვერავასთან, მუნიციპალური განვითარების ფონდის აღმასრულებელ დირექტორთან ბექა ურუშაძესთან, ფოთის მუნიციპალიტეტის მერთან ბექა ვაჭარაძესთან და საკრებულოს თავმჯდომარე ალექსანდრე ტყებუჩავასთან ერთად ადგილზე განიხილა.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
