ახალი ამბები
დავით ვერავა სტიქიის შედეგად დაზიანებულ სოფლებში იმყოფებოდა
2024-12-20 22:15:00
სამეგრელო-ზემო სვანეთის სახელმწიფო რწმუნებული დავით ვერავა დღეს სენაკის მუნიციპალიტეტის სოფელ ეკში, საშურღაიოს უბანში იმყოფებოდა, სადაც დამეწყრილ ტერიტორიაზე არსებულ ვითარებას გაეცნო, საშურღაიოს უბანში სამანქანო გზა გუშინ დაიმეწყრა, რის გამოც სამი ოჯახი საავტომობილო გზის გარეშეა დარჩენილი.
სახელმწიფო რწმუნებულის განმარტებით არსებულ ვითარებას გეოლოგები შეისწავლიან, მანამდე კი მოქალაქეების ქირით გადაყვანა მოხდება.
ძლიერი წვიმების შედეგად ასევე დაზიანდა სავალი გზის ნაწილი სოფელ ბეთლემის ლეკირცხალიეს უბანში, სადაც გზასთან ერთად დაზიანდა ელექტროგადამცემი ბოძები, რის გამოც ელექტრო ენერგია არ მიეწოდებოდა სოფელში მცხოვრები მოსახლეობის ნაწილს. ენერგო-პრო ჯორჯიას ჯგუფების მუშაობის შედეგად სოფელში ელექტრო მომარაგება აღდგენილია.
სახელმწიფო რწმუნებული დამეწყრილ უბნებში არსებულ ვითარებას რწმუნებულის მრჩეველთან დავით გვიშიანთან, სენაკის საკრებულოს თავმჯდომარესთან საბა ოდიშარიასთან და მერის პირველ მოადგილესთან ბადრი ქუთელიასთან ერთად იმყოფებოდა.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
