ახალი ამბები
გიორგი გუგუჩია ჭითაწყარში მოქალაქეებს შეხვდა და ინფრასტრუქტურულ პროექტებს გაეცნო
2024-03-30 19:05:00
სამეგრელო-ზემო სვანეთის სახელმწიფო რწმუნებული გიორგი გუგუჩია, ზუგდიდის მერთან მამუკა წოწერიასთან და საკრებულოს ფრაქცია „ქართული ოცნების“ წევრებთან ერთად სოფელ ჭითაწყარში განხორციელებულ ინფრასტრუქტურულ პროექტებს გაეცნო და ადგილობრივ მოსახლეობას შეხვდა.
შეხვედრაზე დაგეგმილ პროექტებთან ერთად სოფელში არსებულ გამოწვევებზე ისაუბრეს.
სახელმწიფო რწმუნებულის განმარტებით მსგავსი ფორმატის შეხვედრები უშუალო კომუნიკაციისთვის და სოფლისთვის არსებულ საჭიროებებზე დროული რეაგირებისთვის მნიშვნელოვანია.
„ჩვენი მთავრობის ერთ-ერთი პრიორიტეტული მიმართულება არის საგანმანათლებლო ინფრასტრუქტურის მოწყობა, ესაა ქვეყანაში არსებული სკოლებისა და ბაღების მშენებლიბა-რეაბილიტაცია, სწორედ ამ საკითხებზე გვქონდა დღეს შეხვედრა სოფელ ჭითაწყარში, სადაც აშენდა ახალი საბავშვო ბაღი, რომელიც არის თანამედროვე სტანდარტების. შევხვდით მოსახლეობას, მოვსუმინეთ მათ საჭიროებებს, მაქსიმალურად ვეცდებით მათ მიერ დასმული ყველა საკითხი იქნეს გათვალისწინებული. ამჟამად რეგიონში მიმდინარეობს 28 საბავშვო ბაღის მშენებლობა და 21-ის რეაბილიტაცია“ - განაცხადა სახელმწიფო რწმუნებულმა.
სოფელ ჭითაწყარში მუნიციპალური განვითარების ფონდმა 100 ბავშვზე გათვლილი საბავშვო ბაღის მშენებლობა დაასრულდა, ასევე მოწესრიგდა სანიაღვრე არხები, ახალი გზა დაიგო კონსტანტინე გამსახურდიას ქუჩაზე, წელსვე მოხდება სოფელში არსებული საჯარო სკოლის სრული რეაბილიტაცია.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
