ახალი ამბები
ანაკლია განმუხურში საზღვაო სეზონი გაიხსნა
2023-07-04 12:50:00
ანაკლია-განმუხურის საზღვაო სეზონის გახსნა ჯგუფ ,,თამადას” კონცერტითა და ფოიერვერკით დასრულდა. მანამდე კი მთელი დღის განმავლობაში სხვადასხვა გასართობი და კულტურული აქტივობები გაიმართა.
ღონისძიებები ველომარათონით დაიწყო, რომლის გამარჯვებულებსაც ფულადი პრიზები გადაეცათ.
ტერიტორიაზე მოეწყო გასტრონომიის საგამოფენო სივრცე.
გახსნის დღესთან დაკავშირებით განმუხურში მდებარე აკვაპარკში შესვლა მოქალაქეებისთვის უფასო იყო.
ანაკლია-განმუხურის სანაპირო ზოლი სპეციალიზებული ტექნიკით ყოველდღიურად სუფთავდება. ახალი ტექნიკა მუნიციპალიტეტს რეგიონული განვითარებისა და ინფრასტრუქტურის სამინისტროს მყარი ნარჩენების მართვის კომპანიამ გადასცა.
სანაპირო ზოლზე მუშაობენ შინაგან საქმეთა სამინისტროს საგანგებო სიტუაციების მართვის სამსახურის მაშველები. გარემოს ეროვნული სააგენტოს სპეციალისტების მიერ მოწმდება ზღვის წყალი.
