ახალი ამბები
ფოთში CPMR-ის კონფრენცია გაიმართა
2022-09-22 21:18:00
ფოთში, CPMR-ის (პერიფერიული საზღვაო რეგიონების კონფერენცია) წევრი რეგიონების სამუშაო შეხვედრა გაიმართა. შეხვედრის მთავარი სამუშაო თემა - შავი ზღვისა და ბალკანეთის ზღვის პორტების პოტენციალი და ლურჯი ეკონომიკის მომავალი იყო. შეხვედრა ჰიბრიდულ რეჟიმში მიმდინარეობდა და ფოთის საზღვაო სასწავლებლის საკონფერენციო დარბაზში შეკრებილებთან ერთად ონლაინ ფორმატში CPMR-ის ბალკანეთისა და შავი ზღვის კომისიის სხვა წარმომადგენლებიც ესწრებოდნენ.
შეხვედრაზე მისასალმებელი სიტყვით სამეგრელო-ზემო სვანეთის სახელმწიფო რწმუნებულის პირველი მოადგილე ნინო ვიბლიანი გამოვიდა.
სამეგრელო-ზემო სვანეთის რეგიონი ,,CPMR“-ის (Conference of peripheral maritime regions) წევრია. ორგანიზაცია წარმოადგენს საზღვაო რეგიონების კავშირს, რომელიც აერთიანებს 24 ქვეყნის 150-ზე მეტ რეგიონს, როგორც ევროკავშირიდან, ასევე მის ფარგლებს გარეთ არსებული სახელმწიფოებიდან. კავშირი აერთიანებს ქვეყნებისა და რეგიონების 200 მილიონამდე მოქალაქეს. ორგანიზაციის მიზანია მხარი დაუჭიროს წევრი რეგიონების საზღვაო საკითხების განვითარებას.
აღნიშნული პლატფორმა შეიქმნა 1973 წელს, რომელიც ორიენტირებულია ისეთ საკითხებზე როგორიცაა: სოციალურ-ეკონომიკური თანამშრომლობა, ევროპული მმართველობა, ენერგეტიკა, კლიმატის ცვლილება, სამეზობლო და საზღვაო პოლიტიკა. ,,CPMR“-ს დიდი წვლილი შეაქვს რეგიონული განვითარების პრიორიტეტების ჩამოყალიბებაში. ის მუდმივად მხარს უჭერს რეგიონების როლის გაძლიერებას ევროპულ მმართველობაში.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
