ახალი ამბები
საქართველოს პრეზიდენტი II ქვეითი ბრიგადის სწავლებას დაესწრო
საქართველოს თავდაცვის ძალების უმაღლესი მთავარსარდალი სენაკის სამხედრო ბაზაზე II ქვეითი ბრიგადის სწავლებას დაესწრო, რომელიც საქართველოს თავდაცვის მზადყოფნის პროგრამის GDRP-ის ფარგლებში გაიმართა.
სამხედრო სწავლებას საქართველოს პრეზიდენტთან ერთად სამეგრელო-ზემო სვანეთის სახელმწიფო რწმუნებული ალექსანდრე მოწერელია დაესწრო.
პრეზიდენტმა ბაზაზე თავდაცვის ძალების დასავლეთის სარდლობა მოინახულა, საქართველოს ერთიანობისათვის ბრძოლაში დაღუპულ მეომართა მემორიალი გვირგვინით შეამკო და აღნიშნა, რომ ჩვენი ქვეყნისა და სახელმწიფოს სიძლიერე ქართულ ჯარზე დგას.
დასავლეთ სარდლობის სარდალმა პოლკოვნიკმა ჯონი ტატუნაშვილმა თავდაცვის ძალების უმაღლეს მთავარსარდალს დასავლეთ სარდლობის შემადგენლობა წარუდგინა და საინფორმაციო ბრიფინგის სახით მიაწოდა ინფორმაცია სარდლობის ისტორიის, ამოცანის, სტრუქტურისა და ძალთა სისტემის შესახებ, ასევე დაგეგმილი და მიმდინარე სამშვიდობო მისიების, წვრთნებისა და სწავლებებისა შესახებ.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
