ახალი ამბები
სახელმწიფო რწმუნებულის მოადგილე ხობში მიმდინარე პროექტებს გაეცნო
ხობის მუნიციპალიტეტის ახალსოფლის ადმინისტრაციულ ერთეულში, მდინარე ცივზე (ლუბეკის არხი) ახალი ხიდი შენდება. ინფრასტრუქტურულ პროექტს, რომლის სახელშეკრულებო ღირებულებაც 612 ათასი ლარია, საქართველოს საავტომობილო გზების დეპარტამენტი ახორციელებს.
ხიდის მშენებლობის პროცესს სამეგრელო-ზემო სვანეთის სახელმწიფო რწმუნებულის მოადგილე ლუდუკ ხასია, ხობის მუნიციპალიტეტის მერი გოჩა ქაჯაია და საკრებულოს თავმჯდომარე ედიშერ ჯობავა გაეცნენ.
არსებული ხიდი ავარიულ მდგომარეობაში იყო და ვერ აკმაყოფილებდა თანამედროვე სატრანსპორტო მოთხოვნებს.
სამშენებლო სამუშაოების დასრულებამდე მოქალაქეები დროებითი სახიდე გადასასვლელით ისარგებლებენ.
ახალი ხიდის მშენებლობა ივლისამდე დასრულდება და საავტომობილო გზაზე მგზავრობა უფრო უსაფრთხო და კომფორტული გახდება.
სახელმწიფო რწმუნებულის მოადგილე დღესვე ხობში საზოგადოებრივი ცენტრის მშენებლობას და საგზაო ინფრასტრუქტურის მიმდინარე პროექტებს გაეცნო.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
