ახალი ამბები
ზუგდიდის მთავარი ნაძვის ხე საზეიმოდ აინთო.
2019-12-25 22:03:00
დღეს, ზუგდიდის მთავარი ნაძვის ხე საზეიმოდ აინთო.
ნაძვის ხის ანთების ცერემონიალს სამეგრელო-ზემო სვანეთის სახელმწიფო რწმუნებული ალექსანდრე მოწერელია, მოადგილეებთან, ზუგდიდის მერთან გიორგი შენგელიასთან და მაჟორიტარ დეპუტატთან მერაბ ქვარაიასთან ერთად დაესწრო. ზუსტად 20 საათზე ზუგდიდის მთავარი ნაძვის ხე სახელმწიფო რწმუნებულმა და ქალაქის მერმა პატარებთან ერთად აანთეს და შეკრებილ მოქალაქეებს დამდეგი ახალი წელი მიულოცეს.
ნაძვის ხის ანთებას წინ დრამერების შოუ უძღოდა, რომელიც თავისუფლების მოედნიდან დაიწყო და მთავარ ნაძვის ხესთან დასრულდა.
ნაძვის ხესთან მოწყობილ სცენასთან გაიმართა სპექტაკლი ანიმატორების მონაწილეობით და საბავშვო კონცერტი.
ზუგდიდში ნაძვის ხის ანთების ღონისძიება გრანდიოზული ფოიერვერკით დასრულდა.
