ახალი ამბები
შეხვედრები ძველ აბაშაში, სეფიეთში, გეზათსა და გულუხეთში
პროექტ „ღია შეხვედრების“ ფარგლებში, აბაშის სოფლებში: სეფიეთში, გეზათში, გულუხეთსა და ძველ აბაშში შეხვედრები გაიმართა. არსებულ პრობლემებსა და საჭიროებებზე ადგილობრივებისგან ინფორმაცია, სამეგრელო-ზემო სვანეთის სახელმწიფო რწმუნებულის მოადგილემ დავით ვერავამ, აბაშის მერმა ლევან მაკალათიამ და საკრებულოს თავმჯდომარემ მამუკა კვიტაშვილმა მიიღეს.
შეხვედრაზე მოსახლეობამ ძირითად პრიორიტეტებად გამოკვეთა გაზიფიცირების, შიდა გზების, სანიაღვრე არხების რეაბილიტაციის საკითხები და მუნიციპალური ტრანსპორტის პრობლემა.
ხელისუფლების წარმომადგენლებმა არსებული პრობლემების გაცნობის შემდეგ, ინფრასტრუქტურის და სოფლის მეურნეობის მიმართულებით განხორციელებულ და დაგეგმილ პროექტებზეც გაამახვილეს ყურადღება.
ცენტრალური და ადგილობრივი ხელისუფლების წარმომადგენლების შეხვედრები მოსახლეობასთან სხვადასხვა მუნიციპალიტეტებში აქტიურად მიმდინარეობს. შეხვედრებზე დასახელებული პრობლემების მოგვარებისთვის მაქსიმალურად მოხდება მათი მომავალი წლის ბიუჯეტში გათვალისწინება.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
