ახალი ამბები
რწმუნებულის მოადგილეები ზუგდიდში უფასო სასადილოში არსებულ ვითარებას გაეცნენ.
სამეგრელო-ზემო სვანეთის სახელმწიფო რწმუნებულის მოადგილეები დავით ფარცვანია და დავით ვერავა, ზუგდიდის მერის მოადგილე კონსტანტინე კაკავასთან ერთად ზუგდიდის უფასო სასადილოში იმყოფებოდნენ. ხელისუფლების წარმომადგენლები იქ არსებულ სანიტარულ-ჰიგიენურ ნორმებს გაეცნენ და ბენეფიციარებრებისგან არსებულ საჭიროებებზე ინფორმაცია მიიღეს.
ზუგდიდის უფასო სასადილოში 280 ბენეფიციარი ირიცხება, რომლებიც სასადილოს მომსახურებით ყოველდღე (კვირის გარდა) სარგებლობენ.
ხელისუფლების წარმომადგენლების განცხადებით უფასო სასადილოს მენიუ და მომსახურება მომავალი წლიდან კიდევ უფრო გაუმჯობესდება. სახელმწიფო რწმუნებულის ადმინისტრაციის წარმომადგენლები რეგიონის უფასო სასადილოებში არსებულ ვითარებას ყველა მუნიციპალიტეტში გაეცნობიან და ბენეფიციარებს შეხვდებიან.
ზუგდიდის უფასო სასადილოში სახელმწიფო რწმუნებულის ადმინისტრაციის თანამშრომლებთან ერთად ადგილობრივი თვითმმართველობის ორგანოებთან ურთიერთობის სამსახურის უფროსის მოადგილე ლაშა გვასალია და ზუგდიდის მერიის შესაბამისი მიმართულების თანამშრონმლები იმყოფებოდნენ.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
