ახალი ამბები
მარტვილის სოფლებში ცენტრალური და ადგილობრივი ხელისუფლების წარმომადგენლები მოსახლეობას შეხვდნენ
2019-08-13 22:26:00
მარტვილის მუნიციპალიტეტის სოფლებში მოსახლეობას ცენტრალური და ადგილობრივი ხელისუფლების წარმომადგენლები შეხვდნენ და ადგილზე არსებული საჭიროებების შესახებ ინფორმაცია მიიღეს. შეხვედრაზე გამოიკვეთა პრობლემები, რომელიც კიწიას, დიდი ჭყონის და კურზუს მოსახლეობას აწუხებს, გამოკვეთილი პრობლემების მოგვარებისთვის მაქსიმალურად მოხდება მათი მომავალი წლის ბიუჯეტში გათვალისწინება.
მარტვილის სოფლებში მოსახლეობას, სამეგრელო-ზემო სვანეთის სახელმწიფო რწმუნებული ალექსანდრე მოწერელია, ფინანსთა მინისტრის მოადგილე ნიკოლოზ გაგუა და ადგილობრივი ხელისუფლების წარმომადგენლები შეხვდნენ.
ხელისუფლების წარმომადგენლებმა ადგილობრივებს, იმ პროგრამებზე მიაწოდეს ინფორმაცია რასაც მთავრობა ახორციელებს, ასევე საუბარი შეეხო სოფლის მეურნეობის პროექტებს, თხილის დაცვის სახელმწიფო პროგრამას და სოფლის მხარდაჭერის პროგრამას.
შეხვედრაზე მოსახლეობამ პრიორიტეტად შიდა გზების რეაბილიტაცია, გაზიფიცირება, წყალმომარაგება, ამბულატორიების და საბავშვო ბაღების რეაბილიტაცია დასახელდა.
შეხვედრის დასრულების შემდეგ სახელმწიფო რწმუნებული ტალერის ადმინისტრაციულ ერთეულში წყლის სისტემის რეაბილიტაციის მიმდინარეობას გაეცნო. ალექსანდრე მოწერელიას, დაზიანებული წყლის მილების შესახებ ინფორმაცია ტალერში რამდენიმე კვირის წინ გამართულ შეხვედრაზე მოსახლეობამ მიაწოდა, რაზეც სწრაფი რეაგირება მოხდა.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
