ახალი ამბები
სახელმწიფო რწმუნებულმა სადემონტრაციო თხილის ნარგავები დაათვალიერა
სამეგრელო-ზემო სვანეთის სახელმწიფო რწმუნებულმა ალექსანდრე მოწერელიამ სადემონსტრაციო თხილის ნარგავები მეცნიერებთან ერთად ადაათვალიერა.
ზუგდიდის მუნიციპალიტეტის სოფელ შამგონაში ფერმერი აზა ბეჭვაია 3 ჰექტარზე თხილის ბაღს ფლობს. ფერმერი გარემოს დაცვისა და სოფლის მეურნეობის სამინისტროს სამეცნიერო კვლევითი ცენტრის და სურსათის ეროვნული სააგენტოს სპეციალისტების მითითებით, თხილის ბაღში აგროტექნიკურ და მცენარეთა დაცვის ღონისძიებებს ახორციელებს.
გატარებული აგოსამუშაოების შედეგად აზა ბეჭვაია წელს ხარისხიან მოსავალს ელოდება და ფერმერებს ურჩევს, თხილს დადგენილი აგროკალენდარის შესაბამისად მოუარონ.
თავის მხრივ სახელმწიფო აქტიურ მხარდამჭერ ღონისძიებებს ახორციელებს თხილის მოსავლის დაცვის მიმართულებით. გარემოს დაცვისა და სოფლის მეურნეობის სამინისტროს, აშშ-ის საერთაშორისო განვითარების სააგენტოს (USAID), Ferrero-სა და CNFA-ს “საქართველოს თხილის სექტორის განვითარების პროექტის” მხარდაჭერით, ხორციელდება „თხილის გადარჩენის პროგრამა“, რომელიც დარგობრივი ასოციაციის, ფერმერების ჩართულობით სოკოვანი დაავდებების და სხვა მავნებლების საწინააღმდეგოდ მთელ რიგ კომპლექსურ ღონისძიებებს ითვალისწინებს.
პროგრამის ფარგლებში გარემოს დაცვისა და სოფლის მეურნეობის სამინისტრომ თხილის მწარმოებელთა ასოციაციას გადასცა შესაწამლი აპარატები, რომლებითაც მეთხილე ფერმერებმა ისარგებლეს და ჩაატარეს აგოსამუშაოები.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
