მონიტორინგის და განვითარების სამუშაო ჯგუფის შეხვედრა

სამეგრელო-ზემო სვანეთის სახელმწიფო რწმუნებულის ადმინისტრაციის შენობაში, სახელმწიფო ახალგაზრდული პოლიტიკის მონიტორინგის და განვითარების სამუშაო ჯგუფმა შეხვედრა გამართა.

სამუშაო ჯგუფი, საქართველოს პარლამენტის აპარატის და ახალგაზრდულ საქმეთა კომიტეტის ინიციატივით შეიქმნა, რომლის საქმიანობის მიზანია, ახალგაზრდული პოლიტიკის დოკუმენტის მოქმედი რეადაქციის გადახედვა და განახლებასთან დაკავშირებული რეკომენდაციების მომზადება, ასევე ახალგაზრდული პოლიტიკის სფეროში ცენტრალურ და ადგილობრივ დონეზე, ჩართული სახელისუფლებო, არასამთავრობო და სხვა სუბიექტებს შორის კოორდინაციის გაუმჯობესების და სტრუქტურული დიალოგის ხელშეწყობისთვის რეკომენდაციების მომზადება. სამუშაო ჯგუფის შემადგენლობაში როგორც საკანონმდებლო, ასევე აღმასრულებელი ხელისუფლების წარმომადგენლები, საერთაშორისო და დონორი ორგანიზაციები, სამოქალაქო საზოგადოებრივი ორგანიზაციები და მოწვეული ექსპერტები შედიან.