ახალი ამბები
განმუხურში ახალი სასტუმრო გაიხსნა
განმუხურში სასტუმრო ,,პრატაპს სიგნიჩა“ ოფიციალურად გაიხსნება. ინდოელი ბიზნესმენების მიერ სასტუმროს ინვესტიციაში ჩადებულმა თანხამ 10 მილიონ დოლარზე მეტი შეადგინა.
სასტუმროს გახსნის ცერემონიალს სამეგრელო-ზემო სვანეთის სახელმწიფო რწმუნებულის მოადგილეები: ნინო ვიბლიანი, მალხაზ თორია, ადმინისტრაციის უფროსი ლევან წულაია, საქართველოს ტურიზმის ეროვნული ადმინისტრაციის ხელმძღვანელი მარიამ ქვრივიშვილი და ტურიზმის სფეროში დასაქმებულები დაესწრნენ.
სასტუმრო 7 კოტეჯისგან და ჯამში 56 ნომრისგან შედგება. სასტუმროს ტერიტორიაზე განთავსებულია რეკრეაციული ზონა, ღია აუზი და რესტორანი.
ინვესტორები სასტუმრო კომპლექსის ტერიტორიაზე დამატებითი კოტეჯების მშენებლობას, სპორტული და გასართობი სივრცეების განვითარებას გეგმავენ.
ამჟამად სასტუმროში 20 ადგილობრივია დასაქმებული, სეზონზე კი მათი რიცხვი 35-მდე გაიზრდება.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
