ზუგდიდის მუნიციპალიტეტის, სოფელ ჭითაწყარში გარემოსდაცვითი ზედამხედველობის დეპარტამენტის სამეგრელო-ზემო სვანეთის რეგიონული სამმართველოს ახალი შენობის პრეზენტაცია გაიმართა. შენობა უმაღლესი სტანდარტების ყველა საჭირო ინვენტარითა და ტექნიკით არის აღჭურვილი. დეპარტამენტის სამეგრელო-ზემო სვანეთის რეგიონული სამმართველო გარემოს დაცვისა და სოფლის მეურნეობის მინისტრის მოადგილემ იური ნოზაძემ, საქართველოს პარლამენტის გარემოს დაცვისა და ბუნებრივი რესურსების კომიტეტის თავმჯდომარე - კახა კუჭავასთან, აგრარულ საკითხთა კომიტეტის თავმჯდომარე - ოთარ დანელიასთან, სამეგრელო-ზემო სვანეთის სახელმწიფო რწმუნებულის მოადგილე - კობა ქანთარიასთან, ზუგდიდის მუნიციპალიტეტის მერის მოვალეობის შემსრულებელთან მაიზერ ნანავასთან და ადგილობრივი ხელისუფლების სხვა წარმომადგენლებთან ერთად დაათვალიერა. ახალ ადმინისტრაციულ შენობაში, ინსპექტირებისა და სწრაფი რეაგირების ჯგუფები განთავსდება, სადაც მოქალაქეები ერთ სივრცეში ისარგებლებენ ყველა საჭირო სერვისით.