ახალი ამბები
სენაკის მუნიციპალიტეტში რიგით 22-ე იუსტიციის სახლი გაიხსნ
სენაკის მუნიციპალიტეტში იუსტიციის მინისტრმა, თეა წულუკიანმა რიგით 22-ე იუსტიციის სახლი გახსნა. გახსნის ცერემონიალს სამეგრელო-ზემო სვანეთის მხარის სახელმწიფო რწმუნებულის პირველი მოადგილე - ირაკლი ჯიქია, მოადგილე - ნინო ვიბლიანი, პარლამენტის დეპუტატი, ირაკლი ბერაია და ადგლობრივი ხელისუფლების წარმომადგენლები დაესწრნენ. ზუგდიდის, ფოთისა და მარტვილის შემდეგ, ეს მეოთხე ფილიალია სამეგრელოს რეგიონში, სადაც ადგილობრივი მოსახლეობა სახელმწიფო და კერძო სექტორის 400-ზე მეტი სერვისის მიღებას მინიმალურ დროსა და კომფორტულ გარემოში შეძლებს. ეს უკვე მეორე იუსტიციის სახლია, რომელიც მიმდინარე წლის დეკემბერში სამეგრელოში გაიხსნა.
სენაკის მცხოვრებლებს იუსტიციის სახლთან ერთად, ქორწინებისათვის სპეციალური დეკორაციით მოწყობილი, საზეიმო სივრცეც ექნებათ. აღნიშნული იუსტიციის სახლი არქიტექტორ მიხეილ გიორგობიანის პროექტით აშენდა და ის 531 კვადრატული მეტრია.
ღონისძიების ოფიციალური ნაწილის დასრულების შემდეგ, იუსტიციის სახლის გახსნის აღსანიშნავად, გრანდიოზული კონცერტი გაიმართა, საღამო კი - ფოიერვერკით დასრულდა.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
