ახალი ამბები
აბაშის მუნიციპალიტეტში სტიქიით დაზარალებულ ოჯახებს საცხოვრებელი სახლებისთვის თუნუქის სახურავები გადაეცათ
სამეგრელო-ზემო სვანეთის მხარის გუბერნატორის პირველი მოადგილე - ირაკლი ჯიქია, პარლამენტის დეპუტატი - ოთარ დანელია, საქართველოს რეგიონული განვითარებისა და ინფრასტრუქტურის სამინისტროს წარმომადგენელი - ირაკლი თოფურია და აბაშის მუნიციპალიტეტის მერი - ლევან მაკალათია სტიქიით დაზარალებულ ოჯახებს შეხვდნენ. მათ სტიქიით დაზარალებულ 70-მდე ოჯახს საცხოვრებელი სახლების სახურავების აღსადგენად თუნუქის სახურავები გადასცეს.
30 ნოემბერს, სამეგრელოს რეგიონში ძლიერი ქარის შედეგად აბაშის მუნიციპალიტეტის სოფელ მაიდნის საბავშვო ბაღისა და N1 საჯარო სკოლის სახურავებიც დაზიანდა, რომელთა რეაბილიტაცია უახლოეს დღეებში დაიწყება.
დღესვე, ხელისუფლების წარმომადგენლებმა ხობის მუნიციპალიტეტის სოფელ ბიაში ძლიერი ქარისაგან დაზიანებული საბავშვო ბაღის შენობა და ქალაქ ხობში ხუთსართულიანი საცხოვრებელი კორპუსი დაათვალიერეს. ამ შენობების აღდგენითი სამუშაოები ხვალიდან დაიწყება. სტიქიამ ხობის მუნიციპალიტეტის სოფელ ქარიატაში ბონდის ხიდიც დააზიანა. ხიდი სოფლის ორ ნაწილს ერთმანეთთან აკავშირებდა და მისით სკოლის მოსწავლეებთან ერთად, სკოლამდელი ასაკის ბავშვებიც სარგებლობდნენ. ხიდის რეაბილიტაციამდე ბავშვები მერიის მიერ გამოყოფილი ტრანსპორტით უფასოდ ისარგებლებენ. ტრანსპორტი შემოვლითი გზით იმოძრავებს და საგანმანათლებლო დაწესებულებამდე მოსწავლეების უსაფრთხო მგზავრობას უზრუნველყოფს.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
