ახალი ამბები
ქალაქი ფოთი ესტონეთის ქალაქ მაარდუს დაუმეგობრდა
2018-06-15 14:30:00
ქალაქი ფოთი ესტონეთის ქალაქ მაარდუს დაუმეგობრდა. ქალაქებს შორის დამეგობრების ხელშეკრულებას ხელი, ქალაქ ფოთის მერმა გოჩა კურდღელიამ და ესტონეთის ქალაქ მაარდუს მერმა ვლადიმირ არხიპოვმა მოაწერეს. ცერემონიალი სახელოვნებო ცენტრის დარბაზში საზეიმო ვითარებაში შედგა.
ღონისძიებას ქალაქში სტუმრად მყოფი უკრაინის ქალაქ ჩერნომორსკის დელეგაციის წევრები დაესწრნენ, რომლებიც ფოთს პრესტურის ფარგლებში ეწვივნენ.
მაარდუს დელეგაციის წევრები, უკრაინელ სტუმრებთან ერთად, ფოთის ნავსადგურს, ჰიდროგრაფიის სამსახურსა და „ახალი საქართველოს უნივერსიტეტს“ ეწვივნენ. მათ კოლხეთის ეროვნული პარკი დაათვალიერეს.
მაარდუ ფოთთან დამეგობრებული მე-14 ქალაქია. იგი ფინეთის ყურეზე მდებარეობს და ესტონეთის უმსხვილესი საპორტო ქალაქია.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
