სენაკში ტროტუარების მოწყობის სამუშაოები მიმდინარეობს

სენაკის მუნიციპალიტეტის ტერიტორიაზე ტროტუარების და ბორდიურების მოწყობისსამუშაოები მიმდინარეობს.

მუნიციპალიტეტის მასშტაბით ტროტუარები მოეწყობა: რუსთაველის, ტაბიძის, ჭყონდიდელის, ქურდოვანიძის, ჭავჭავაძის. წერეთლის ქუჩებზე.

ხორავას ქუჩაზე ძველი ბორდიურები სრულად შეიცვლება და შეიღებება.

ქალაქის ცენტრალურ ნაწილში ქურდოვანიძისა და წერეთლის ქუჩებზე ტროტუარის საფარიბაზალტის ქვებით მოპირკეთდება.

ტროტუარებთან ერთად მოეწყობა გამწვანების ზოლი და პანდუსები შშმ პირებისთვის.

პროექტს რეგიონული განვითარების ფონდი  ახორციელებს, რომლის ღირებულებაც 267 777 ლარს შეადგენს. სამუშაოებზე დასაქმებულია 30 ადგილობრივი.

ტროტუარების და ბორდიურების სარეაბილიტაციო სამაუშაოები მიმდინარე წლის მაისის თვეში დაიწყო და  ამავე წლის აგვისტოში დასრულდება.

სენაკის მუნიციპალიტეტში 2013 წლიდან დღემდე სენაკში ტროტუარებისა და ბორდიურების რეაბილიტაცია და მოწყობა განხორცილდა 6 ქუჩაზე (10 700 მ). განხორციელებული სამუშაოების ღირებულებამ შეადგინა 1 595 441 ლარი.