გუბერნატორი მუნიციპალიტეტების ხელმძღვანელებს შეხვდა

სამეგრელო ზემო სვანეთის მხარეში სახელმწიფო რწმუნებული - გუბერნატორი ლევან შონია რეგიონის გამგებლებს, მერებს და საკრებულოს თავმჯდომარეებს შეხვდა. სამუშაო შეხვედრაზე, გუბერნატორმა დეტალური ინფორმაცია იმ პროექტების მიმდინარეობაზე მოისმინა, რომელიც რეგიონში განსახოერციელებელი პროექტების ფონდიიდან, მუნიციპალური განვითარების ფონდიდიან და ცენტრალური ბიუჯეტიდან ფინანსდება. როგორც მუნიციპალიტეტების ხელმძღვანელებმა განაცხადეს, პროექტები გეგმის მიხედვით ხორციელდება. მათვე ლევან შონიას ის სამუშაოები გააცნეს, რომელიც უკვე დასრულებულია.

გუბერნატორის ადმინისტრაციაში გამართულ შეხვედრაზე 2017 წელს დაგეგმილი პროექტების განხილვაც მოხდა.

,,პროექტების უმეტესობა უკვე სრულდება, თითოეულ თქვენგანს კი განსაკუთრებული ყურადღება გმართებთ, რადგან არცერთ პროექტს რომელსაც ჩაიბარებთ ხარვეზები არ უნდა ჰქონდეს. მაქსიმალური ზედამხედველობა და კონტროლია საჭირო" - განაცხადა შეხვედრაზე გუბერნატორმა.