ახალი ამბები
მუხურში მეფუტკრეობის სამეცნიერო - კვლევითი ბაზა გაიხსნება
მუხურში მეფუტკრეობის სამეცნიერო - კვლევითი ბაზის მშენებლობა აქტიურად მიმდინარეობს. პროექტს სოფლის მეურნეობის სამინისტრო ახორციელებს და მისი მოცულობა 800 000 ლარს შეადგენს.
სარეაბილიტაციო სამუშაოების დასრულების შემდეგ მუხურში თანამედროვე სამეცნიერო ტექნოლოგიებითა და ლაბორატორიული მოწყობილობებით აღჭურვილი კვლევითი ბაზა იქნება, რაც სპეციალისტებს ქართული ფუტკრის თვისებებზე ფართომასშტაბიანი კვლევების წარმოების საშუალებას მისცემს. აღსანიშნავია, რომ ქართული ფუტკრის მეგრული პოპულაცია მსოფლიოში გამოირჩევა ხორთუმის სიგრძით, რომელიც ყველაზე ღრმად აღწევს ყვავილის სანექტრეში და იღებს თაფლისათვის საუკეთესო შემცველობის ნივთიერებებს, რაც თაფლს განსაკუთრებულ გემოს ანიჭებს.
დღეს, ჩხოროწყუს მუნიციპალიტეტის გამგებელი დათო გოგუა სოფელ მუხურში იმყოფებოდა და მეფუტკრეობის სამეცნიერო ბაზის მშენებლობის მიმდინარეობას გაეცნო. მუხურის მეფუტკრეობის სანაშენე სამეცნიერო ბაზის ინფრასტრუქტურის მოწყობა მიმდინარე წელს დაიწყო და უახლოეს დღეებში დასრულდება.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
