ახალი ამბები
მარტვილში ორი სოფლის დამაკავშირებელი გზის მშენებლობა დაიწყო
2016-09-07 14:13:00
მარტვილის მუნიციპალიტეტში, ონოღია-ნაჯახაოს დამაკავშირებელი საავტომობილო გზის მშენებლობა დაიწყო. პროექტის ფარგლებში, დაიგება 4450 მეტრი ასფალტობეტონის საფარი. გზის პროექტი ასევე მოიცავს, წყალამრიდების მოწყობას, ეზოებში შესასვლელების, მილხიდების აღდგენას და სხვა.
აღსანიშნავია, რომ ონოღია-ნაჯახაოს დამაკავშირებელი საავტომობილო გზა წლების განმავლობაში ავარიულ მდგომარეობაში იყო და ადგილობრივებს გადაადგილება უჭირდათ. მოსახლეობას წელს პირველად ექნება შესაძლებლობა კეთილმოწყობილი გზით ისარგებლოს.
პროექტი დაფინანსებულია საქართველოს მუნიციპალური განვითარების ფონდის და ევროპის საინვესტიციო ბანკის (EIB) მიერ. პროექტის ღირებულებაა 1398369 ლარი.
სამუშაოზე დასაქმებულია 40 ადამიანი და 10 ერთეული ტექნიკა.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
