ახალი ამბები
მესტიაში სპორტსკოლის სარეაბილიტაციო სამუშაოები მიმდინარეობს
მესტიის მუნიციპალიტეტში, მულახის თემში ილიკო გაბლიანის სახელობის სპორტსკოლის სარეკონსტრუქციო-სარეაბილიტაციო სამუშაოები მიმდინარეობს.
მულახის თემში (რომელშიც 11 სოფელი შედის და ჯამში 1000-ზე მეტი ადამიანი ცხოვრობს) სპორტის სხვადასხვა სახეობით 100-ზე მეტი ბავშვია დაკავებული. ერთსართულიანი შენობა რომელშიც ისინი ვარჯიშობენ (ყოფილი ფერმის შენობა), სრულიად ამორტიზებულია და არ აკმაყოფილებს სპორტსკოლისათვის აუცილებელ მოთხოვნებს. პროექტი ითვალისწინებს: ძველი შენობის საერთაშორისო სტანდარტების შესაბამისად რეაბილიტაციას, სავარჯიშო-საცოცი კედლის, აუზისა და საჭიდაო დარბაზის მოწყობას და შენობის საჭირო ინვენტარით აღჭურვას.
განახლებულ სპორტსკოლაში შესაძლებელი იქნება პროფესიონალური და სამოყვარულო სპორტული ღონისძიებების ჩატარება, სპორტის სხვადასხვა სახეობაში, როგორც ეროვნულ, ისე საერთაშორისო დონეზე, რაც ახალგაზრდებში ჯანსაღი ცხოვრების წესის დამკვიდრებას შეუწყობს ხელს.
მესტიის მუნიციპალიტეტში, მულახის თემში საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდის დირექტორი ჯუანშერ ბურჭულაძე იმყოფებოდა, რომელმაც ილიკო გაბლიანის სახელობის სპორტსკოლის სარეკონსტრუქციო-სარეაბილიტაციო სამუშაოები დაათვალიერა.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
