ახალი ამბები
სოფლის განვითარების სტრატეგიის სამუშაო ვერსიის პრეზენტაცია გაიმართა
სამეგრელო-ზემო სვანეთის სამხარეო ადმინისტრაციის შენობაში, 2017-2020 წლის სოფლის განვითარების სტრატეგიის სამუშაო ვერსიის პრეზენტაცია გაიმართა, რომელსაც სამეგრელო-ზემო სვანეთის გუბერნიის ადმინისტრაციის წარმომადგენლები, რეგიონში შემავალი მუნიციპალიტეტების გამგებლები და საკრებულოს თავმჯდომარეები ესწრებოდნენ.
გაეროს განვითარების პროგრამის (UNDP) წარმომადგენელმა ზვიად არჩუაძემ, შეხვედრაზე შეკრებილებს სოფლის განვითარების სტრატეგიის სამუშაო ვერსიის შინაარსი გააცნო, რომელიც საქართველოში სოფლის მდგომარეობის სოციალურ-ეკონომიკურ და სამართლებრივ ანალიზს და ასევე სოფლის განვითარების ხედვას, მიზნებსა და ამოცანებს მოიცავს.
სტრატეგიულ ამოცანებს შორისაა საქართველოს სოფლებში ეკონომიკური საქმიანობების გამრავალფეროვნება, ტურიზმის განვითარება, ბუნებრივი რესურსების მდგრადი მართვა და სოფლად ცხოვრების ხარისხის გაუმჯობესება.
2017-2020 სოფლის განვითარების სტრატეგიას სოფლის მეურნეობის სამინისტრო UNDP-ის დახმარებით და ევროკავშირის ფინანსური მხარდაჭერით ახორციელებს.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
