ახალი ამბები
სამძიმარი წყალქვეშა ცურვის ეროვნული ფედერაციის თავმჯდომარის ოჯახს
2016-07-09 17:00:00
შსს-ს საგანგებო სიტუაციების მართვის სააგენტოს თანამშრომლებმა მარტვილში, მდინარე აბაშაში დაღუპული მყვინთავის ელგუჯა ჯამრიშვილის ცხედარი იპოვეს.
სამძებრო სამუშაოების მიმდინარეობისას ადგილზე იმყოფებოდნენ სამეგრელო-ზემო სვანეთის გუბერნატორი ლევან შონია და სოფლის მეურნეობის მინისტრი ოთარ დანელია. მათ დაღუპული ოჯახის წევრებს და ახლობლებს კიდევ ერთხელ მიუსამძიმრეს. "ელგუჯა იყო სიმამაცის მაგალითი, მან საკუთარი თავი გასწირა, მისი დაღუპვა ძალიან დიდი დანაკარგია ჩვენი ქვეყნისთვის. მე ელგუას ძალიან კარგად ვიცნობდი, ის იყო სამშობლოზე და ბუნებაზე უზომოდ შეყვარეული ადამიანი, მინდა ღრმა მწუხარება გამოვხატო ამ ფაქტის გამო. ვუსამძიმრებ მის ოჯახს, ნათესავებს, ახლობლებს" - განაცხადა გუბერნატორმა.
ელგუჯა ჯამრიშვილი მდინარეში დაკარგული მოზარდის საძებრად იყო შესული, რა დროსაც ტრაგიკულად დაიღუპა. ის საქართველოს წყალქვეშა ცურვის ეროვნული ფედერაციის თავმჯდომარე და ცნობილი სპელეოლოგი იყო.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
