გუბერნატორმა და მერმა მსოფლიო ჩემპიონები დააჯილდოვეს

სამეგრელო-ზემო სვანეთის გუბერნატორი ლევან შონია, ზუგდიდის მერთან ირაკლი გოგოხიასთან ერთად ზუგდიდის მუნიციპალიტეტის სპორტის განვითარების ცენტრის წარმომადგენლებს, წარმატებულ ზუგდიდელ სპოტსმენებსა და მწვრთნელებს შეხვდა.

გუბერნატორმა და მერმა სპორტსმენებს გამარჯვებები მიულოცეს და ფულადი ჯილდოები გადასცეს.

ძალოსან გიორგი ჩხეიძეს ერთჯერადი ფულადი პრემია 2600 ლარი გადაეცა, მოკრივე ლექსო ხასაიას 1200 ლარი, ხოლო ძოიუდოისტ გიორგი ჩიქოვანს 800 ლარი.

ზუგდიდის მერის ინიციატივით, სპორტის ოლიმპიურ სახეობა ძალოსნობაში 2016 წლის მსოფლიო ჩემპიონს, 18 წლის გიორგი ჩხეიძეს მთელი წლის განმავლობაში სტიპენდიის სახით 400 ლარი დაენიშნა. ოლიმპიურ სახეობა კრივში ევროპის ჩემპიონი ლექსო ხასაია კი წლის განმავლობაში სტიპენდიის სახით 200 ლარს მიიღებს.

შეხვედრის დასარულს, სპორტის განვითარების ცენტრმა სამეგრელო-ზემო სვანეთის გუბერნატორს და ზუგდიდის მერს მადლობის სიგელები გადასცა.