ახალი ამბები
ზუგდიდში მცხოვრებ 320 დევნილ ოჯახს წყლის პრობლემა მოუგვარდება
საქართველოს რეგიონული განვითარებისა და ინფრასტრუქტურის სამინისტროს გაერთიანებული წყალმომარაგების კომპანიის დირექტორმა გიორგი კობერიძემ, სამეგრელო-ზემო სვანეთის გუბერნატორის მოადგილესთან კახაბერ რუსიასთან და დევნილთა სამმართველოს უფროსთან მანუჩარ ჩილაჩავასთან ერთად, ზუგდიდში, წყალმომარაგების სარეაბილიტაციო სამუშაოები დაათვალიერა.
წყალმომარაგების კომპანიამ თაბუკაშვილის ქუჩაზე მცხოვრები 320 დევნილი ოჯახის ხარისხიანი სასმელი წყლით უზრუნველსაყოფად ინფრასტრუქტურული სამუშაოები დაიწყო. პროექტი ითვალისწინებს ახალი ჭაბურღილის მოწყობას, რის შემდეგაც იძულებით გადაადგილებული პირები 24 საათიანი წყალმომარაგებით და ხარისხიანი წყლით იქნებიან უზრუნველყოფილი.
შეგახსენებთ, რომ სამეგრელო-ზემო სვანეთის გუბერნატორი ლევან შონია, დევნილთა და განსახლების მინისტრის მოადგილე მამუკა ცოტნიაშვილი და წყალმომარაგების კომპანიის დირექტორი გიორგი კობერიძე თაბუკაშვილის ქუჩაზე მცხოვრებთ რამდენიმე კვირის წინ შეხვდნენ და დევნილ მოსახლეობას დახმარება აღუთქვეს.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
