სამეგრელო-ზემო სვანეთში სახელმწიფო რწმუნებულის - გუბერნატორის ორგანიზებით მდინარე სინწაზე მასშტაბური გაწმენდითი სამუშაოები ჩატარდა

რწმუნებული-გუბერნატორის, ლევან შონიას ორგანიზებით ჩატარებული გაწმენდითი სამუშაოების შედეგად ზუგდიდი-ჩხოროწყუს ცენტრალური ავტომაგისტრალის მიმდებარე ტერიტორიაზე, მდინარე სინწას კალაპოტი ნაგვისაგან დასუფთავდა. ქალაქ ზუგდიდის ვიცე-მერის, გიორგი გულორდავას ზედამხედველობით, მერიის დასუფთავების სამსახურის თანამშრომლებმა, საყოფაცხოვრებო და სამშენებლო ნარჩენებისგან მდინარის კალაპოტთან ერთად მიმდებარე გაგარინის ქუჩისა და საავტომობილო ხიდის მონაკვეთიც გაასუფთავეს. აღნიშნული ტერიტორიები სარეველა მცენარეებისგანაც გაიწმინდა.ამავე ტერიტორიაზე ნაგვის ბუნკერებიც განთავსდა. ზუგდიდის მერია დღეიდან მდინარე ჩხოუშის კალაპოტის გაწმენდას ქალაქის ცენტრალურ ნაწილში გეგმავს.