საგაზაფხულო სამუშაოების მიმდინარეობას ლევან შონია ადგილზე გაეცნო

სამეგრელოში საგაზაფხულო სამუშაოები აქტიურად მიმდინარეობს. აბაშის სასოფლო-სამეურნეო ფართობებზე ხვნის პროცესს დღეს სამეგრელო-ზემო სვანეთის გუბერნატორი ლევან შონია ადგილობრივი ხელისუფლების წარმომადგენლებთან ერთად დაესწრო. 

გუბერნატორმა საგაზაფხულო სამუშაოების მიმდინარეობის შესახებ ინფორმაცია ადგილზევე მიიღო და აღნიშნა, რომ „მცირემიწიან ფერმერთა საგაზაფხულო სამუშაოების ხელშეწყობის პროგრამა“ უმნიშვნელოვანესია, რადგან რეგიონში მეოთხე წელია მუშავდება ისეთი მიწები, რომელიც ბოლო 20-25 წელია უსახსრობის გამო არავინ ამუშავებდა.

წელს რეგიონში პროგრამით 99 828 ათასი ოჯახი ისარგებლებს და სავარგულებს სრულიად უფასოდ დაამუშავებს. პროგრამის ფარგლებში რეგიონში წელს 52 021 ჰექტარი მიწის ფარდობი დამუშავდება.

სოფლის მეურნეობის სამინისტრო უკვე მეოთხე წელია აღნიშნულ პროგრამას ახორციელებს. პროგრამა ორიენტირებულია მცირემიწიანი ფერმერების მაქსიმალურ ხელშეწყობაზე.