ახალი ამბები
იტალიური სასოფლო-სამეურნეო ტექნიკის გამოფენას ლევან შონია დაესწრო
იტალიური სასფლო-სამეურნეო ტექნიკის გამოფენას სამეგრელო-ზემო სვანეთის გუბერნატორი ლევან შონია დაესწრო. იმერეთში სახელმწიფო რწმუნებულის ადმინისტრაციის ეგიდით გამართულ გამოფენაში მონაწილეობას ცნობილი ფირმები Ferrari, Ideal, Lucchini, Forigo, Bassi, Spedo მონაწილეობდნენ. გამოფენა წყალტუბოს მუნიციპალიტეტის სოფელ ქვიტირში გაიმართა.
გამოფენას სოფლის მეურნეობის მინისტრი ოთარ დანელია, მთავრობის ადმინისტრაციის რეგიონებთან და ადგილობრივ თვითმართველ ორგანოებთან ურთიერთობის დეპარტამენტის ხელმძღვანელი გიორგი ამაშუკელი, სახელმწიფო რწმუნებულები - გუბერნატორები, საქართველოში იტალიის საელჩოს წარმომადგენლები, მეწარმეები და სხვა დაინტერესესბული პირები ესწრებოდნენ.
ადგილზე მისულ სტუმრებს თანამედროვე სტანდარტების მქონე ტექნიკის დათვალიერებისა და იტალიური მწარმოებლების წარმომადგენლებთან მოლაპარაკებების შესაძლებლობა ჰქონდათ. ღონისძიების მიზანს საქართველოში სოფლის მეურნეობის განვითარება და ამ სფეროში თანამედროვე ტექნოლოგიების დანერგვა წარმოადგენდა.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
