ახალი ამბები
დიდთოვლობა რეგიონში
დიდთოვლობაა ჩხოროწყუში, წალენჯიხაში, ხობში, ზუგდიდში, მარტვილში, სენაკსა და მესტიაში. დიდთოვლობის გამო მოძრაობა ჩაკეტილია მესტიის მიმართულებით სოფელ ბარჯაშთან, სადაც ამ დროისთვის მძიმე ტექნიკა გაწმენდით სამუშაოებს აწარმოებს და გზა უახლოეს მომავალში გაიხსნება.
თოვლის სახით უხვი ნალექის გამო შექმნილი პრობლემების მოგვარება მუნიციპალიტეტებში წუხელ გვიან ღამიდან დაიწყეს. ცენტრალური და შიდა გზების უმეტესობა გაწმენდილია, რიგ სოფლებსა და ქუჩებში გაწმენდითი სამუშაოები ახლაც მიმდინარეობს. მთელი ღამის განმავლობაში ცენტრალურ გზებზე ტექნიკური მარილი იყრებოდა. მუნიციპალიტეტებში შექმნილია საგანგებო შტაბები, რომლის მუშაობაშიც აქტიურადაა ჩართული სამეგრელო-ზემო სვანეთის გუბერნატორის ორივე მოადგილე.
დიდთოვლობამ პრობლემები შექმნა ელექტრო ენერგიის მიწოდებასთან დაკავშირებითაც. ამ დროის მონაცემებით ელექტრო ენერგია რეგიონის მასშტაბით არ მიეწოდება 10 ათასამდე აბონენტს. აღდგენითი სამუშოები მიმდინარეობს ყველა პრობლემურ ადგილზე, სადაც სამუშაოებს ენერგო-პრო ჯორჯიას სპეციალური ჯგუფები აწარმოებენ. სპეციალისტების განცხადებით, დაზიანებული ელექტროსადენების აღდგენა დღის ბოლომდე მოხდება.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
