ახალი ამბები
ვიცე-გუბერნატორმა ადაპტირებული ავტოგასამართი სადგური გახსნა
„ვისოლმა“ ზუგდიდში, აღმაშენებლის ქუჩაზე ახალი ინტეგრირებული ავტოგასამართი სადგური გახსნა. ავტოგასამართი სადგური სამეგრელო-ზემო სვანეთის მხარეში სახელმწიფო რწმუნებულის-გუბრენატორის პირველმა მოადგილემ კობა ქანთარიამ, ქალაქ ზუგდიდის მერმა ირაკლი გოგოხიამ, ქალაქ ზუგდიდის საკრებულოს თავმჯდომარემ მერაბ ქვარაიამ და ზუგდიდის მუნიციპალიტეტის გამგებელმა ედიშერ თოლორაიამ საზეიმო ვითარებაში გახსნეს. ვისოლ ჯგუფის პრეზიდენტმა სოსო ფხაკაძემ კი სტუმრებს ავტოგასამართი სადგურის ინფრასტრუქტურა დაათვალიერებინა.
ავტოგასამართ სადგურზე 25-მდე ადამიანია დასაქმებული. კომპანია მომხმარებელს ნავთობპროდუქტების ფართო არჩევანთან ერთად ავტოგაზსაც სთავაზობს.
ახლო მომავალში ავტოგასამართ სადგურზე „სმარტის“ სუპერმარკეტიც იფუნქციონირებს, სადაც 50-მდე ადამიანი დასაქმდება და მომხმარებელს უმაღლესი ხარისხის პროდუქტებისა და მომსახურების შეთავაზებით დამატებით კომფორტს შეუქმნის. ინტეგრირებული ავტოგასამართი სადგურის გახსნის ცერემონიალს ზუგდიდის მუნიციპალიტეტის საკრებულოს თავმჯდომარე ლაშა გოგია, ქალაქ ზუგდიდის მერის მოადგილეები, ადგილობრივი ხელისუფლების წარმომადგენლები და მოწვეული სტუმრები დაესწრნენ.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
