ეკონომიკის მინისტრი და გუბერნატორი ფოთში ჰიდროგრაფიის ახალ სისტემას გაეცნენ

ეკონომიკის მინისტრმა დიმიტრი ქუმსიშვილმა, სამეგრელო–ზემო სვანეთის გუბერნატორ ლევან შონიასთან, ქალაქის მერ ირაკლი კაკულიასთან და საკრებულოს თავმჯდომარე ალექსანდრე თოფურიასთან ერთად საქართველოს სახელმწიფო ჰიდროგრაფიული სამსახურის განახლებული შენობა დაათვალიერა და სამსახურის ახალ სისტემას NAVTEX- ს გაეცნო, რომელიც საქართველოს საზღვაო სივრცეში უსაფრთხოების შესახებ ინფორმაციის ოპერატიულ მიწოდებას უზრუნველყოფს. სისტემის დანერგვამ შექმნა დამატებითი სამუშაო ადგილები, სპეციალისტები სპეციალური პროგრამით გადამზადდნენ რუმინეთის საზღვაო ტრენინგ ცენტრში.

ჰიდროგრაფიულ სამსახურში პირველად საქართველოს ისტორიაში დაიბეჭდა საზღვაო სივრცის და პორტების სანავიგაციო რუკები, პორტის მისასვლელ არხებში განთავსებულ მცურავ სანავიგაციო ნიშნებზე დაინერგა GPS მონიტორინგული სისტემა,რომლის საშუალებითაც მულტიცენტრული მართვის სისტემიდან გაკონტროლდება ზღვაში განთავსებული სარყეების და ქერქეჭელების გამართულობა და დადგენილ კოორდინატებში ყოფნა. ზღვაში განთავსდა ოკეოანოგრაფიულ-მეტეოროლოგიური ტივტივა,რომელიც დღე-ღამის ნებისმიერ დროს აწვდის მცურავ საშუალებებს ზღვის მღელვარების მდგომარეობას.

მინისტრმა და გუბერნატორმა სამსახურის მიერ შეძენილი კატამარან „GAGRA“ –ს მეშვეობით ზღვის აკვატორია დაათვალიერა და კვლევების ჩატარების სპეციფიკას გაეცნო. ვიზიტის ფარგლებში დიმიტრი ქუმსიშვილმა საქართველოს სახელმწიფო ჰოდროგრაფიული სამსახურის ახალი საკონფერენციო დარბაზი გახსნა.