ახალი ამბები
გუბერნატორთან სამუშაო შეხვედრაზე 2016 წელს დაგეგმილი ინფრასტრუქტურული პროექტები განიხილეს
2015-11-06 17:40:00
სამეგრელო-ზემო სვანეთის მხარეში სახელმწიფო რწმუნებული - გუბერნატორი ლევან შონია რეგიონის გამგებლებს, მერებს და მათ მოადგილეებს შეხვდა. გუბერნიის ადმინისტრაციულ შენობაში გამართულ თათბირზე 2016 წელს დაგეგმილიინფრასტრუქტურული პროექტები განიხილეს.
გუბერნატორმა, მუნიციპალიტეტების წარმომადგენლებისგან მიმდინარე ინფრასტრუქტურულ პროექტებზეც მიიღო ინფორმაცია, როგორც შეხვედრაზე გაირკვა, რეგიონის ათივე მუნიციპალიტეტში მიმდინარე ინფრასტრუქტურული პროექტები, სამშენებლო ვადების შესაბამისად მიმდინარეობს.
თვითმმართველობის წარმომადგენლებთან გუბერნატორის შეხვედრას, ვიცე-გუბერნატორი კობა ქანთარია და რეგიონული პროექტების კოორდინირების სამსახურის უფროსი დათო კოდუა ესწრებოდნენ.
