ახალი ამბები
სოფელ ლესიჭინეში რეაბილიტირებული სკოლა გაიხსნა
საქართველოს განათლებისა და მეცნიერების მინისტრმა თამარ სანიკიძემ და სამეგრელო-ზემო სვანეთის ვიცე-გუბერნატორმა კობა ქანთარიამ ჩხოროწყუს რაიონის სოფელ ლესიჭინეს სრულად რეაბილიტირებული სკოლა დაათვალიერეს და მოსაწვლეებსა და პედაგოგებს შეხვდნენ. სასწავლო კორპუსი, რომელიც წლების განმავლობაში უმძიმეს მდგომარეობაში იყო სრულიად განახლდა და თანამედროვე სტანდარტების შესაბამისად მოეწყო. სკოლა ადაპტირდა სპეციალური საგანმანათლებლო საჭიროების მქონე ბავშვებისთვის.
ახალი სასწავლო წლისათვის სამეგრელოს რეგიონში 64 საჯარო სკოლას ჩაუტარდა საფუძვლიანი სარეაბილიტაციო სამუშაოები. რიგ სკოლებში წლის ბოლომდე გაგრძელდება გათბობის სისტემების მოწესრიგება, სპორტული მოედნების, ექიმის კაბინეტების, სასკოლო ლაბორატორიების მოწყობა. ეს ისეთი სამუშაოებია, რომელიც სასწავლო პროცესს ხელს არ შეუშლის.
