ახალი ამბები
სოფელს ახალკახათში თანამედროვე სტანდარტების ბაღი აშენდება
2015-10-08 12:23:00
ზუგდიდის მუნიციპალიტეტის ახალკახათის ადმინისტრაციულ ერთეულში მიმდინარე წლის ნოემბერში საბავშვო ბაღის მშენებლობა დაიწყება.
ახალკახათში, ორ სართულიანი, თანამედროვე ტიპის, ევროპული სტანდარების სააღმზრდელო დაწესებულების მშენებლობა მიმდინარე წლის ნოემბერში დაიწყება და ის 2016 წლის მარტში დასრულდება. სამშენებლო სამუშაოებისთვის ჯამში 641519 ლარი გამოიყოფა.
სოფელში სკოლამდელი სააღმზრდელო დაწესებულების შენობის არ არსებობის გამო, ამ დროისთვის საბავშვო ბაღი განთავსებულია დაქირავებულ ოჯახში. საბავშვო ბაღი ორი ჯგუფისგან შედგება და სულ 57 აღსაზრდელი ირიცხება. მსურველ ბავშვთა რაოდენობა დამატებით 30 –ს შეადგენს , თუმცა არსებულ ბაღში ფართის სიმცირის გამო ბავშვების მიღება ვერ ხერხდება.
