ვიცე-გუბერნატორმა „საგას“ რეგიონალური ცენტრი გახსნა

ზუგდიდში გათბობის, კონდიცირებისა და ვენტილაციის რეგიონალური ცენტრი „საგა“ გაიხსნა. „საგა“ სამეგრელო-ზემო სვანეთის მხარეში სახელმწიფო რწმუნებულის - გუბერნატორის პირველმა მოადგილემ კობა ქანთარიამ, ზუგდიდის მერმა ირაკლი გოგოხიამ და  კომპანიის დირექტორმა გახსნეს.

„მნიშველოვანია, რომ დღეს ზუგდიდში გაიხსნა „საგას“ რეგიონალური ცენტრი, ეს არის ინვესტიცია რეგიონში, რაც ნიშნავს 35 დასაქმებულ ადგილობრივს, შემოსავალს ბიუჯეტში. ნამდვილად მისასალმებელია მსგავსი ცენტრების გახსნა“ - განაცხადა „საგას“ რეგიონული ოფისის გახსნაზე ვიცე-გუბერნატორმა.

„საგას“ გახსნის ცერემონიალს სამეგრელო-ზემო სვანეთის მხარეში სახელმწიფო რწმუნებულის - გუბერნატორის აპარატის უფროსი ლაშა გვალასია, ქალაქ ზუგდიდის საკრებულოს თავმჯდომარე მერაბ ქვარაია, ადგილობრივი ხელისუფლებისა და საზოგადოების წარმომადგენლები ესწრებოდნენ.