ზუგდიდსა და მესტიაში იაპონური ანიმეს ფესტივალი გაიმართება

ზუგდიდსა და მესტიაში იაპონიის საელჩო, იაპონიის ფონდის მხარდაჭერით, 25-26 სექტემბერს იაპონური ანიმეს ფესტივალს ატარებს.

ზუგდიდში ფესტივალი 25 სექტემბერს 15 საათზე ჯი-ჯი გიმნაზიაში გაიხსნება, სადაც წარმოდგენილი იქნება ცნობილი იაპონელი რეჟისორის, მაკოტო შინკაის ანიმე „სიტყვების ბაღი“ (+12). 16:00 საათზე კი ნაჩვენები იქნება ასევე ცნობილი იაპონელი რეჟისორის, იასუჰირო იოშიურას ანიმე „ივის დრო“.

26 სექტემბერს, ანიმეს ფესტივალი გადაინაცვლებს მესტიაში, სადაც სვანეთის ისტორიულ-ეთნოგრაფიულ მუზუმში 15:00 საათზე ნაჩვენები იქნება „სიტყვების ბაღი“ (+12), ხოლო 16:00 საათზე „ივ’ის დრო“.

ყველა ფილმი წარმოდგენილია იაპონურ ენაზე თანდართული ქართული სუბტიტრებით. დასწრება თავისუფალია.

რეგიონში პროექტის მხარდამჭერია სამეგრელო-ზემო სვანეთის მხარეში სახელმწიფო რწმუნებულის ადმინისტრაცია, მესტიის გამგეობა და ჯი-ჯი გიმნაზია.