ახალი ამბები
კოლხური ბზა დაზიანებული ფოთლებისგან საჯარო მოხელეებმა გაწმინდეს
ზუგდიდის ბოტანიკურ ბაღში უკვე შეწამლული ბზის დასუფთავების აქცია გაიმართა.აქციაში მონაწილეობა სამეგრელო-ზემო სვანეთის მხარეში სახელმწიფო რწმუნებულის - გუბერნატორის ადმინისტრაციის თანამშრომლებმა, სხვადასხვა საჯარო დაწესებულებების და არასამთავრობო ორგანიზაციების წარმომადგენლებმ მიიღეს. გაწმენდით სამუშაოებში მონაწილეობა ადგილობრივებმაც მიიღეს, დაზიანებული ბზის ფოთლები კი ქალაქ ზუგდიდის დასუფთავებისა და კეთილმოწყობის სამსახურებმა ნეიტრალურ ზონაში გაიტანეს, სადაც მოხდა მისი უტილიზაცია.
ცნობისთვის,ზუგდიდის ბოტანიკურ ბაღში აგვისტოს თვის განმავლობაში კოლხური ბზის დაავადების წინააღმდეგ შეწამვლითი ღონისძიებები გაიმართა. ქალაქ ზუგდიდის მერიის შესაბამისმა სამსახურებმა ტურისტული სეზონისა და მოსახლეობის უსაფრთხოების გათვალისწინებით, ბიოლოგიური საშულებით მოახდინა ბზის ალურის შეწამვლა, თუმცა დაავადების ცალკეული კერები ისევ არის ქალაქის ტერიტორიაზე, რასაც მოსახლეობის აქტიური ჩართულობით უნდა ვებრძოლოთ. დასუფთავების აქციის ორგანიზატორი ქალაქ ზუგდიდის მერია იყო.
ვრცლად: ერთად გადავარჩინოთ კოლხური ბზა
