ზუგდიდში ვითიბი ბანკის ფილიალის გახსნას გუბერნატორის მოადგილე დაესწრო

დღეს, 6 აგვისტოს ვითიბი ბანკმა ზუგდიდში ახალი ფილიალი გახსნა. ბანკის მესვეურებთან ერთად ფილიალის გახსნას სამეგრელო-ზემო სვანეთის გუბერნატორის მოადგილე კახაბერ რუსია და ადგილობრივი ხელისუფლების წარმომადგენლები ესწრებიდნენ. თანამედროვე სტანდარტების შესაბამისი  ფილიალები, ფიზიკურ და იურიდილ პირებს სრულ საბანკო მომსახურებას გაუწევს. აღნიშნულ საბანკო წერტილში კლიენტებისთვის უზრუნველყოფილია მაქსიმალური კომფორტი და მომსახურების მაღალი ხარისხი.

„სამეგრელოს მოსახლეობის მოთხოვნების შესაბამისად, ვითიბი ბანკი აქტიურად დააფინანსებს მსხვილ, საშუალო, მცირე და აგრო ბიზნესს, ამასთან ერთად ფიზიკურ პირებს ხელმისაწვდომ საბანკო მომსახურებას შევთავაზებთ. ვიმედოვნებთ, რომ ვითიბი ბანკის ფილიალი მნიშვნელოვან როლს ითამაშებს რეგიონის ეკონომიურ წინსვლაში და ბიზნეს სექტორის განვითარებაში“, - განაცხადა ვითიბი ბანკის გენერალურმა დირექტორმა არჩილ კონცელიძემ.