ახალი ამბები
ანაკლიის ახალგაზრდული ბანაკი გაიხსნა
ანაკლიის ახალგაზრდული ბანაკი გაიხსნა. ბანაკი საქართველოს განათლების, მეცნიერებისა და ახალგაზრდობის მინისტრმა გივი მიქანაძემ, სამეგრელო-ზემო სვანეთის სახელმწიფო რწმუნებულის მოადგილესთან გიორგი ნადარაიასთან და ზუგდიდის მერთან მამუკა წოწერიასთან ერთად გახსნა.
2025 წელს ანაკლიის ახალგაზრდული ბანაკი, რომელიც სსიპ ახალგაზრდობის სააგენტოს მიერ ხორციელდება, 3000-მდე ახალგაზრდას უმასპინძლებს. თითო ნაკადზე ბანაკი მასპინძლობს 18-25 წლის 240 სტუდენტს. პირველი ნაკადის ფარგლებში, ბანაკს საქართველოს ტექნიკური უნივერსიტეტის სტუდენტები ესტუმრნენ.
ბანაკის მიზანია ახალგაზრდებისთვის აქტიურ დასვენებაზე ხელმისაწვდომობის ზრდა, ახალგაზრდების სოციალური ინტეგრაცია, ჯანსაღი ცხოვრების წესის პოპულარიზაცია და სხვა. საბანაკე პროგრამა ხუთდღიანია და ბანაკის ფარგლებში ახალგაზრდებს შესაძლებლობა აქვთ, ჩაერთონ საკვანძო კომპეტენციების განვითარებისთვის მიმართულ საგანმანათლებლო, სპორტულ და შემეცნებით აქტივობებსა და შეხვედრებში. ბანაკის ფარგლებში ახალგაზრდებისთვის ასევე ტარდება ტრენინგები სხვადასხვა თემაზე.
საბანაკე პროგრამის სრულფასოვნად განხორციელებისთვის ჩატარდა მოსამზადებელი სამუშაოები – რეაბილიტაცია ჩაუტარდა ადმინისტრაციულ შენობას, განახლდა მატერიალურ-ტექნიკური ბაზა, ბანაკი სრულად აღიჭურვა პროგრამის განხორციელებისთვის საჭირო ინვენტარით.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
