ახალი ამბები
მეგრული ფოლკლორის საღამოს სახელმწიფო რწმუნებულის მოადგილეები დაესწრნენ
2025-07-02 14:33:00
ზუგდიდის მოსწავლე ახალგაზრდობის სასახლეში, მეგრული ფოლკლორის საღამო გაიმართა.
ზუგდიდის, ფოთის, სენაკის, წალენჯიხის, აბაშისა და ხობის სალოტბარო სკოლების მოსწავლეებმა განახლებული პროგრამა, საარქივო ჩანაწერებიდან აღდგენილი, მივიწყებული ფოლკლორული ნიმუშები და საგალობლები შეასრულეს.
პროექტი საქართველოს კულტურის სამინისტროს და ადგილობრივი მუნიციპალიტეტების მხარდაჭერით და ფოლკლორის სახელმწიფო ცენტრის ორგანიზებით გაიმართა.
ღონისძიებას სამეგრელო-ზემო სვანეთის სახელმწიფო რწმუნებულის მოადგილეები, ფოლკლორის სახელმწიფო ცენტრის დირექტორი და საზოგადოების სხვადასხვა სფეროს წარმომადგენლები ესწრებოდნენ.
