მეზღვაურებს საერთაშორისო დღე მიულოცეს და ღონისძიებაში მონაწილეობა მიიღეს საქართველოს პრეზიდენტმა მიხეილ ყაველაშვილმა, პრემიერ-მინისტრმა ირაკლი კობახიძემ, ეკონომიკისა და მდგრადი განვითარების მინისტრმა მარიამ ქვრივიშვილმა, საერთაშორისო საზღვაო ორგანიზაციის გენერალურმა მდივანმა არსენიო დომინგესმა და სხვადასხვა სახელმწიფო სტრუქტურების წარმომადგენლებმა. ღონისძიებას სამეგრელო-ზემო სვანეთის სახელმწიფო რწმუნებული დავით ვერავა, სხვა ოფიციალურ პირებთან ერთად ესწრებოდა.

 

მეზღვაურის საერთაშორისო დღისადმი მიძღვნილ საზეიმო ცერემონიაზე საზღვაო სფეროში შეტანილი განსაკუთრებული დამსახურებისთვის მეზღვაურები დააჯილდოვეს. სტუმრებმა წუთიერი დუმილით პატივი მიაგეს სამსახურებრივი მოვალეობის შესრულებისას დაღუპულ მეზღვაურთა ხსოვნას.