მთელი დღის მანძილზე არაერთი საინფორმაციო-შემეცნებითი აქტივობა ჩატარდა.

 

მოწყობილი იყო საქართველოს დამოუკიდებლობის დღის თემატიკაზე შექმნილი ისტორიული ინსტალაციები. შინაგან საქმეთა სამინისტროს სხვადასხვა სტრუქტურული ერთეულის მიერ წარმოდგენილი იყო საგამოფენო და საინფორმაციო სტენდები, სპეცტექნიკა და აღჭურვილობა, თავდაცვის ძალების სამხედრო ტექნიკა, სასაზღვრო პოლიციის ახალი ვერტმფრენი.

 

გაიმართა კონცერტი ადგილობრივი მუსიკალური სტუდიებისა და ანსამბლების მონაწილეობით.

 

17:10 საათზე, ზუსტად იმ დროს, როდესაც 1918 წელს საქართველოს დამოუკიდებლობა გამოცხადდა, შესრულდება საქართველოს ეროვნული ჰიმნი.

საზეიმო ღონისძიებები კონცერტით დასრულდა, სადაც მონაწილეობდნენ: ცისანა სეფიაშვილი, ჯემალ სეფიაშვილი, მარიკა თხელიძე, ნინი ქარსელაძე, გია ნიკოლაძე, კახა კუხიანიძე, მაგდა ნიკოლეიშვილი,დათუნა მგელაძე, „ქუჩის ბიჭები“.