ახალი ამბები
განათლების მინისტრი და ვიცე გუბერნატორი ერთიანი ეროვნული გამოცდების მიმდინარეობას გაეცნენ
2015-07-06 13:26:00
განათლებისა და მეცნიერების მინისტრი თამარ სანიკიძე, სამეგრელო-ზემო სვანეთის ვიცე-გუბერნატორ კობა ქანთარიასთან ერთად ზუგდიდში ერთიანი ეროვნული გამოცდების მიმდინარეობით დაინტერესდა და სიტუაციას ადგილზე გაეცნო.
თამარ სანიკიძე და კობა ქანთარია აბიტურიენტებსაც შეხვდნენ და გაესაუბრნენ. ზუგდიდის საგამოცდო ცენტრში ოკუპირებულ აფხაზეთში მცხოვრები აბიტურიენტებიც აბარებენ, განათლების მინისტრის განცხადებით, ე.წ. გამშვებ პუნქტზე აბიტურიენტებს გადაადგილების პრობლემა არ შექმნიათ.
