ახალი ამბები
სახელმწიფო რწმუნებული ზუგდიდის კეთილმოწყობის მართვის ცენტრის თანამშრომლებს შეხვდა
2024-05-28 20:27:00
სამეგრელო-ზემო სვანეთის სახელმწიფო რწმუნებული გიორგი გუგუჩია, ზუგდიდის მერთან მამუკა წოწერიასთან ერთად ა.ა.ი.პ. კეთილმოწყობის მართვის ცენტრის თანამშრომლებს შეხვდა.
გიორგი გუგუჩია ადგილზე გაეცნო ცენტრის მუშაობის სპეციფიკას და თანამშრომლებს გაწეული მუშაობისთვის მადლობა გადაუხადა.
„ზუგდიდის კეთილმოწყობის ცენტრი ერთ-ერთი სანიმუშოა ჩვენი რეგიონის მასშტაბით, ეს ადამიანები ყოველდღიურ რეჟიმში მუშაობენ ამ მუნიციპალიტეტისა და მისი მოსახლეობისთვის, მადლობა თითოეულ მათგანს გაწეული შრომისთვის. მათი სამსახური სტიქიების დროს ერთ-ერთ განსაკუთრებულად დიდ როლს თამაშობს და ხშირად საკუთარ ჯანმრთელობას საფრთხის ქვეშ აყენებენ საზოგადოებრივი ინტერესების უსაფრთხოების დაცვის უზრუნველყოფად. ისინი განსაკუთრებულ მადლობას და მეტ თანადგომას იმსახურებენ“ - აღნიშნა სახელმწიფო რწმუნებულმა. გიორგი გუგუჩიამ მადლობა გადაუხადა ცენტრის ხელმძღვანელობას ძლიერი გუნდის ჩამოყალიბებისთვის.
ზუგდიდის კეთილმოწყობის მართვის ცენტრის შენობას რეაბილიტაცია ჩაუტარდა და ადმინისტრაცია მთლიანად მცხეთის ქუჩაზე არსებულ ოფისში განთავსდა. ცენტრმა შეიძინა სპეციალიზებული ტექნიკაც, რაც მათი მუშაობის ხარისხს კიდევ უფრო მეტად ზრდის.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
