ზუგდიდში ,,სოფლის მხარდაჭერის პროგრამის“ ფარგლებში დასაფინანსებელი პროექტების შერჩევის მიზნით, დასახლების საერთო კრებები იმართება

ზუგდიდის მუნიციპალიტეტში, ,,სოფლის მხარდაჭერის პროგრამის“ ფარგლებში დასაფინანსებელი პროექტების შერჩევის მიზნით, დასახლების საერთო კრებები და მოსახლეობასთან კონსულტაციები აქტიურად მიმდინარეობს.

დღეს მოსახლეობასთან კონსულტაციები  ახალაბასთუმნის, დავითიანის,ოქტომბერის, შამგონის, ახალკახათის, კახათის, ორსანტიის,ინგირის, ოირემეს, კოკისა და ორულუს  ადმინისტრაციულ ერთეულებში, ხოლო დასახლების საერთო კრება დიდინეძის კახათში გაიმართა.

ადგილობრივები, წარმოდგენილი საპროექტო წინადადებებიდან,  მათი სოფლისთვის  პრიორიტეტულ  პროექტებს ირჩევენ.

მოსახლეობასთან გამართულ კონსულტაციებსა და დასახლების საერთო კრებას, ზუგდიდის მუნიციპალიტეტის მერი მამუკა წოწერია და სამეგრელო-ზემო სვანეთის სახელმწიფო რწმუნებულის მოადგილე დავით ვერავა,   რწმუნებულის ადმინისტრაციის და მერიის თანამშრომლებთან ერად  ესწრებოდნენ.

სოფლის მხარდაჭერის პროგრამის ფარგლებში, მოსახლეობასთან შეხვედრები ყველა ადმინისტრაციულ ერთეულში გაიმართება.