სენაკში 4,2 მილიონიანი გზა კეთდება

სენაკში ნოქალაქევი-ლეძაძამე-დიდიჭყონის გზის სარეაბილიტაციო სამუშაოები სენაკის გამგებელმა გოჩა დგებუაძემ და სამეგრელო-ზემო სვანეთის გუბერნიის რეგიონული პროექტების კოორდინირების სამსახურის უფროსმა დათო კოდუამ დაათვალიერეს. გზის მშენებლობის სამუშაოებზე 4,2 მილიონი ლარი იხარჯება დასაქმებულია 230 მოქალაქე, რომელთა 90% ადგილოვრივია. გზის ამ მონაკვეთზე მსგავის მასშტაბის სამუშაოები მანამდე არ განხორციელებულა. გზის მშენებლობა მიმდინარე წლის ზაფხულში დასრულდება.

გამგებლის განცხადებით, სენაკში ბოლო 2 წლის განმავლობაში 77 მსხვილი პროექტი განხორციელდა 520 ობიექტზე, რისი ჯამური ღირებულებაც 16 მილიონ ლარზე მეტია. პროექტების განხორციელების დროს 2235 ადგილობრივი მცხოვრები დასაქმდა. გარდა ამის მიმდინარე წელს უკვე დაწყებულია და დაგეგმნილია 3 მილიონი ლარის პროექტის განხორციელება. გარდა ამისა, სოფლის მხარდაჭერის პროექტის ფარგლებში 150 პროექტი განხორციელდება, სარგებელს მიიღებს თითოეული სოფელი.

წელსვე დასრულდება ჭავჭავაძის ქუჩის სრული რეაბილიტაცია, რომელიც გამზირის სახით ქალაქს შეემატება. ქუჩის კეთილმოწყოიბა ბიუჯეტს 800 000 ლარი უჯდება.

ბოლო 2 წლის განმავლობაში ადგილობრივი ბიუჯეტით, სოცილაური პროგრამების დაფინანსება 19%-ით გაიზარდა, ზრდის ტენდენცია მომავალი წლების ბიუჯეტშიც შენარჩუნდება.